親戚你究竟係邊個 (feat. 姨婆) (原曲: Where is the love) 唱: 小小豬, MTT, 暴龍媽媽, 楠媽, LULU, TT (排名不分先後) 詞: MTT 畫: ET 我 叫陳大文 每年拜年時 我都要長輩有序叫哂所有人 爸爸個爸媽叫爺爺嫲嫲 爺爺嘅爸媽叫太爺太嫲 太爺大仔一家叫伯公伯婆 細仔細女要叫叔公姑婆 爸爸大哥一家叫伯父伯娘 仲有五叔五嬸二姑媽姑丈 差啲就叫漏四姑姐姑丈 叫完一輪想抖點知佢地壓軸出場 堂哥堂嫂堂姐堂妹個仔叫堂侄仔 表哥表嫂表姐表妹個女叫表侄女 表叔表嬸表姑究竟係乜水 可唔可以全部叫姨姨叔叔就算數 親戚親戚你究竟係邊個 Uncle Auntie 點樣都係叫錯 生得高啲以為你大過我 點知原來係伯父嘅細仔喎 親戚親戚你究竟點稱呼 生口生面好似都未見過 報上名來保證唔會有錯 下年堂弟唔洗被叫呀叔喇喎 大姑婆你近來身體好嗎？ 六姑姐我好掛住你整既年糕呀 初二我仲要去呀媽果邊拜年呀 媽媽嘅爸媽係呀公呀婆 呀公嘅爸媽係太公太婆 兄弟姊妹一律叫舅公姨婆 叫埋舅婆姨丈公就唔會錯 大舅父大舅母三姨媽五姨丈 叫六姨六姨丈細舅父細舅母 我家姐同姐夫我呀哥同呀嫂 我細妹我妹夫我細佬我弟婦 老公嘅爸媽叫老爺奶奶 佢哥同家姐係大舅姑奶 細佬細妹就叫叔仔姨仔 其實咁多我真係記唔得哂 親戚親戚點稱呼不重要 一年一次圍著來一起坐 表哥表嫂話咁快又生多個 姨媽姑姐話佢地移民咗 親戚親戚想見你地多啲 送暖問候一家人開心過 雖然真係有啲都未見過 來年再聚同你地再傾過 We are family x 5